OurenseÚltima hora

O Bosque Máxico descubre os seus sabores

Trátase dunha ruta gastronómica por 22 establecementos de hostalaría das Terras de Celanova e Baixa Limia
Foto: Carlos G. Hervella
Foto: Carlos G. Hervella

A Asociación O Vieiro Leboreiro vén de presentar a iniciativa “Sabores do Bosque Máxico”, na que se aposta pola promoción de tres produtos das Terras de Celanova e Baixa Limia: a carne de vacún de raza Cachena (orixinaria desta zona), os cogumelos e a mazá chamada “boi encarnado”. Esta campaña desenvolverase nas fins de semana do 11 de outubro ao 10 de novembro e nela participarán 22 establecementos (restaurantes, taperías e casas de turismo rural) destas zonas ourensás. Os prezos dos pratos ou menús irán dos 15 aos 20 euros, mentres que no caso das tapas oscilarán entre os 2 e os 5 euros.

“Pretendemos que sexa unha boa excusa gastronómica para vir coñecer as nosas comarcas, de paso que se degusta un prato distinto e peculiar. Deste xeito tamén queremos contribuír a descubrir e potenciar a produción, tanto de carne de raza cachena como de cogumelos e deste tipo de mazá”, aseguraban os promotores da campaña no acto de presentación, celebrado o 9 de outubro no Liceo de Ourense.

Texto: A.R. Foto: Carlos G. Hervella

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close