EconomíaEconomíaGalerías de fotosÚltima hora

O botelo, a estrela do menú tamén nos restaurantes

Oito establecementos de Valdeorras inclúen o emblemático embutido nas súas cartas esta fin de semana

 

Unha vez que a Festa do Botelo encheu o pavillón de Calabagueiros, estendéndose a súa promoción pola Coruña, Vigo e proximamente Madrid, o obxectivo do Concello do Barco é que cada vez se sumen máis restaurantes á iniciativa, ofrecendo nos seus menús o seu emblema gastronómico, a xoia culinaria do Barco de Valdeorras.

“O ano pasado servíronse 450 menús e esperamos seguir aumentando”, dixo o alcalde na presentación da festa, desexando que nalgún momento se sumen tamén os grandes locais de hostalaría. “A capacidade do pavillón é a que é polo que o futuro pasa pola implicación da hostalaría local e mesmo comarcal”, dixo no seu momento.

Finalmente son oitro os establecementos que durante a fin de semana do 18 e 19 de xaneiro inclúen o botelo nos seus menús: Tapería Al Natural, Pulpería El Dorado, Cafetería Restaurante Fernando III, Casa Galaica, Restaurante Piquiño, Casa Lameiro, La Gran Tortuga (só o día 18), e por primeira vez un de fóra do Barco, o restaurane do Hotel Calzada en Arcos (Vilamartín de Valdeorras).

Nesta galería de imaxes podemos ver comensais en tres dos locais (Piquiño, Casa Galaica e Fernando III) que no mediodía deste sábado colgaban o cartel de completo, cun gran ambiente festivo nos comedores.

Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close