EconomíaEconomíaEn portadaÚltima hora

O botelo do Barco afiánzase na Coruña

Cheo na VI Festa do Botelo nesta cidade, celebrada o 16 de febreiro

Pleno anticipado na VI Festa do Botelo na Coruña, xa que dende o pasado mércores (no que se pecharon as admisións de reservas por terse completado o aforo), o cheo xa estaba garantido.

Estes resultados parecen indicar a consolidación desta festa, para a que un ano mas houbo que abrir lista de espera, o cal indica o interese crecente que vai calando nesta cidade.

O grao de satisfacción contrastado tras as consultas realizadas mesa a mesa, deixa constancia de que O Barco, Valdeorras e o seu botelo están cada vez máis presentes na memoria da xente (moita dela xa repetidora), que comenza a considerar esta comarca do sueste galego para visitar e coñecer.

Este ano no reverso da minuta (igual que no final do vídeo promocional) fíxose un descritivo para despexar dúbidas sobre as características que diferencian o botelo doutros produtos similares e doutras zonas, incidindo na identidade tanto deste manxar como de Valdeorras.

A próxima cita será en Vigo, como todos os anos, onde seguro que se producirá un novo éxito, continuando a expansión da imaxe de Valdeorras como referencia gastronómica e turística.

Texto e fotos: José Ángel Rodríguez Delgado.
Máis información:
https://www.osil.info/unhas-350-persoas-asisten-a-vi-edicion-da-festa-do-botelo-na-coruna/

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close