O Botelo e Valdeorras, nun vídeo promocional da VI Festa do Botelo na Coruña

Neste traballo, con guión e coordinación de José Ángel Rodríguez Delgado, proxéctase a gran cantidade de recursos desta comarca e difúndese a celebración da Festa do Botelo 2019 na Coruña o 16 de febreiro

“Valdeorras, porta e teito de Galicia”. Con esta mensaxe comeza un vídeo promocional (de apenas 3 minutos e medio) sobre esta comarca galega que vén de realizarse con motivo da celebración da VI Festa do Botelo na Coruña. “Valdeorras é Botelo”, destácase neste traballo, pero tamén moito moito máis. E así se demostra cun percorrido pola gastronomía, polas paisaxes, de val e montañas; polos seus numerosos recursos e patrimonio e polas múltiples manifestacións culturais e deportivas desta zona.

No vídeo, con guión e coordinación de José Ángel Rodríguez Delgado, difúndese a próxima celebración da Festa do Botelo 2019 na Coruña, prevista para o 16 de febreiro no Restaurante Monte de San Pedro e promovida polo Concello do Barco. “O botelo é o noso embaixador, pero temos moito máis e queríamos mostralo no video”, comenta Rodríguez Delgado. Ademais a peza conclúe con información sobre este embutido “para que a xente que non o coñeza saiba exactamente que é”.

O video pode verse en:
https://www.youtube.com/watch?v=wu-aqhPjE5k&app=desktop

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies