OurenseÚltima hora

O BRIF de Laza recibe a visita do subdelegado do Goberno en Ourense

A base contra incendios conta con dous helicópteros e máis de 70 efectivos en 3 turnos
Base do BRIF de Laza.

Coa chegada do verán e das altas temperaturas, dispárase o risco de incendios forestais, especialmente virulentos na provincia de Ourense, sendo de vital importancia o labor de extinción que levan a cabo dende o BRIF (Brigadas de Reforzo de Incendios Forestais) de Laza.

Por iso, a piques de comezar a campaña de extinción (ábrese o 1 de xullo), a base, unha das máis activas de España que conta con dous helicópteros e máis de 70 efectivos en 3 turnos, recibía na mañá do 26 de xuño, a visita do subdelegado do Goberno Emilio González Afonso, acompañado polo alcalde de Laza Jesús Blanco Conde.

Alí, no transcurso dunha demostración realizada na propia base de helicópteros, o subdelegado pudo comprobar a alta capacitación profesional e sincronización dos técnicos. De feito, os dous helicópteros coas súas correspondentes brigadas de extinción “poden estar no aire nun tempo de entre 10 e 15 minutos con destino ao lugar do incendio”, comentaron os técnicos que informaron ao subdelegado do funcionamento da base, así como das actividades que realizan tanto de preparación e formación, como de prevención e extinción.

Os responsables do BRIF de Laza tamén informaron ao representante do Goberno na provincia “da necesidade de ampliación da base e da mellora dos accesos”. Emilio Glez. Afonso pola súa banda comprometeuse a trasladar as demandas á Dirección Xeral de Medio Rural, Innovación e Política Forestal do Ministerio de Agricultura, Pesca e Alimentación.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close