O C.D. Barco convida aos cativos do oriente ourensán e Quiroga ao partido deste domingo

O club barquense repartirá tres mil entradas para ver o partido ante a U.D. Somozas en Calabagueiros

Un ano máis o Centro de Deportes Barco convida aos cativos ao fútbol. No marco da campaña “Escola de valores” coa que pretenden fomentar o deportte entre os máis pequenos, repartirán tres mil entradas entre os nenos de todo o oriente ourensán para asistir ao partido de terceira división que se xogará deste domingo 25 de marzo en Calabagueiros ante a UD Somozas. Comezaron cos nenos do Barco, despois convidaron aos da Rúa e resto Valdeorras e Viana e este ano farano tamén cos de Trives, Quiroga e Castro Caldelas. Así o adiantaba o presidente do club barquense, Daniel Ramos, na presentación da iniciativa que tiña lugar na tarde do 20 de marzo acompañado polo concelleiro de Deportes do Barco, Aurentino Alonso e a presidenta do CCA O Barco, Sandra Moldes, entidades colaboradoras.

Tal como explicou o presidente do club vermello e azul, o obxectivo é potenciar ao máximo o fútbol nos partidos que quedan por xogar en casa que serán “verdadeiras finais” e para iso convidan aos nenos e pais que os acompañen. “O que queremos é que haxa un bo ambiente ante un gran equipo como é o Somozas. Buscabamos un partido atraínte e só esperamos que o tempo nos acompañe”. Dende os colexios da Veiga e Trives xa confirmaron a súa aistencia.

O partido comezará ás cinco da tarde e no descanso sortearase unha camiseta do RC Celta de Vigo asinada por todos os xogadores e outra asinada por Iago Aspas.

Fotos: Mónica G. Bellver.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies