DeportesEn portadaGalerías de fotosÚltima hora

O C.D. Barco lévase o “derbi rojillo” en Calabagueiros

Os de Manolo Peréz vencían 3-2 aos de Fernando Currás na 9ª xornada de terceira división

 

O equipo sénior do Centro de Deportes Barco continúa en racha, anotando a sexta vitoria no que vai de liga, desta volta conta a U.D. Ourense, no campo de Calabagueiros.

O derbi “rojillo” como o deron en chamar no Barco (o vermello predomina nas equipacións de ámbolos dous equipos aínda que hoxe a UDO xogou de branco), comezaba na tarde do 20 de outubro cunha inesperada visita. Pipi Estrada, xornalista deportivo e colaborador en programas de televisión facía o saque de honra diante da afección, recibindo unha camiseta como agasallo por parte do presidente do C.D. Barco Daniel Ramos, e de seguido arrancaba o encontro.

 

 

Durante boa parte do primeiro tempo o conxundo ourensán que dirixe Fernando Currás tivo o control do balón con numerosas oportunidades, moitas delas paradas polo gardameta local, Iván, pero era Juanito Bazo quen abría o marcador para o Barco co primeiro gol no minuto 43.

Tralo paso polo vestiario Ivi Vales anotaba o segundo para o Barco no minuto 51 e David Álvarez poñía o 3-0 no 54′. Aínda quedaba moito partido e Hugo recurtaba distancia co 3-1 no minuto 77. Once minutis máis tarde Iago marcaba o segundo para os visitantes que a piques estiveron de empatar o encontro aínda que finalmente os de Manolo Pérez aguantaron o tipo, mantendo o resultado 3-2 final.

Con esa nova vitoria, os valdeorreses suben ao terceiro posto da clasificación en terceira división a tres puntos do líder, o Ourense CF. A seguinte cita será na Estrada.

Fotos: Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close