2-1 vencía ao Caldelao no campo do Aguillón na tarde do 3 de setembro
Non foi doado xa que o rival púxolle as cousas difíciles, pero finalmente o C.D. Rúa lograba vencer no campo do Aguillón ao C.D. Caldelao, pasando así a primeira ronda da Copa Deputación para os equipos de segunda e terceira autonómica.
Os goles do Rúa, que vén de comezar a tempada con Javi Ferrer (exporteiro titular) como adestrador, foron obra de Alfonso na primeira parte e de Gonza xa na segunda. De ter empatado o partido, a eliminatoria (a partido único) teríase resolvido a penaltis.
Con esta vitoria, os rueses pasan á segunda ronda que se xogará no mes de outubro. Con respecto á liga regular en segunda o conxunto amarelo e azul comezaraa o vindeiro domingo en casa contra o Melias.
