O convenio de colaboración recolle as cuestións que abonará a entidade, como xa fixeran o pasado ano
A presidenta do C.R.D.O. Monterrei, Lara Da Silva Rodríguez, e o alcalde de Verín, Gerardo Seoane, reuníronse o 4 de xullo pola mañá para asinar un convenio de colaboración entre as dúas entidades destinado á organización da próxima Feira do Viño de Monterrei, que terá lugar do 9 ó 11 do vindeiro mes de agosto.
Este convenio recolle, por escrito, tódalas cuestións que abonará a entidade, repetindo deste modo a sinatura que se fixo o pasado ano. Dito convenio refírese aos aspectos como a montaxe do recinto ferial, actuacións musicais, publicidade ou o acto da Cofradía dos Viños de Monterrei, entre outros.
Texto: Carlota Pérez de Juan Burgos