Eleccións municipaisPolíticaÚltima hora

O candidato do PP en Manzaneda pretende mellorar a estrada principal do concello

Así o dicía no mitin celebrado na noite do 21 de maio, no que estivo acompañado por Manuel Baltar
Manuel Baltar, entre os candidatos populares de Manzaneda e Trives./ Foto: Carlos G. Hervella.
Manuel Baltar, entre os candidatos populares de Manzaneda e Trives./ Foto: Carlos G. Hervella.

“Somos un equipo novo, pero cunha gran experiencia na xestión. Un equipo ilusionado e coas ideas moi claras”. Deste xeito presentaba á súa candidatura, o cabeza de lista do PP en Manzaneda, Salvador Fernández Cardoso, no mitin celebrado na noite do 21 de maio no Restaraunte O Pendón da vila.

No seu discurso explicaba o proxecto que pretenden desenvolver de acceder á alcaldía o vindeiro 24 de maio, sinalando que apostan por un “Concello aberto, xa que levamos oito anos de escurantismo”. Indicaba tamén que o seu programa era “dinamizador” e que incide “na creación de emprego e de benestar social”.

Ademais pretende “dar solucións aos problemas urxentes que temos, como son os do arranxo e ampliación da estrada principal do concello e o da residencia da terceira idade, cunhas importantes perdas económicas cada mes. Nós imos ampliar o seu número de camas para facela rentable”. Tamén adiantaba Fernández Carodoso a súa intención de dotar a Manzaneda “dun novo plan urbanístico e imos potenciar a vila medieval”.

O cabeza de lista do PP en Manzaneda, Salvador Fernández Cardoso, no mitin./ Foto: Carlos G. Hervella.
O cabeza de lista do PP en Manzaneda, Salvador Fernández Cardoso, no mitin./ Foto: Carlos G. Hervella.

Tras el interviña o presidente do PP de Ourense, Manuel Baltar, que destacaba a súa condición de candidato á Deputación provincial. “Non hai máis opción que o PP”, dicía, “ningunha outra opción pensa en clave de provincia”.

O cabeza de lista de Manzaneda, con Baltar e outros compañeiros, ao remate do mitin./ Foto: Carlos G. Hervella.
O cabeza de lista de Manzaneda, con Baltar e outros compañeiros, ao remate do mitin./ Foto: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close