Publicidade
PolíticaÚltima hora

O candidato popular Moisés Blanco animaba á participación tras votar no Barco

 

Nunha das mesas electorais situadas na Biblioteca Florencio Delgado Gurriarán do Barco votaba ás 12:30h. deste domingo o valdeorrés Moisés Blanco Paradelo, número 12 da candidatura do PP por Ourense ás eleccións galegas. Acudía acompañado por membros da xunta local do PP barquense, entre eles a portavoz municipal, Sabina Aguado.

Tras depositar a papeleta na urna, Blanco Paradelo agradecía “o traballo que están realizando todas as persoas que están nas mesas, os interventores e apoderados” e ademais facía unha “chamada á participación porque é totalmente seguro votar, son unhas eleccións moi importantes posto que imos elixir ao presidente e ao Parlamento que vai ter que xestionar e tomar decisións para que Galicia poida saír da mellor forma posible desta terrible crise”.

O candidato popular resaltaba “a total normalidade” coa que se está a desenvolver a xornada, “a xente estase adaptando a estas novas medidas e eu creo que son positivas, entramos todos mellor, ordenados, saímos e con toda a seguridade posible”.

Fotos: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close