CulturaÚltima hora

O caso do home lobo, á luz dos expertos

Allariz acolle as IV Xornadas Romasanta, promovidas dende a Fundación Vicente Risco
Cartaz desta edición das xornadas.
Cartaz desta edición das xornadas.

Novas análises, enfoques e datos sobre o caso de licantropía máis famoso dos documentados na historia de Galicia. As IV Xornadas sobre Manuel Blanco Romasanta, que promove a Fundación Vicente Risco, reunirán os días 31 de outubro e 1 de novembro a media ducia de expertos que botarán nova luz sobre o chamado “home lobo” de Allariz.

O encontro encetarase, segundo o programa provisional facilitado dende a organización, o 31 de outubro ás 21:30h. coa ponencia “En que xénero incluiríamos o caso Romasanta: O caso do lobishome na literatura e no cine” de Ramón Caride Ogande e Jorge Emilio Bóveda e, de seguido, farase público o fallo do III Premio de Microrrelatos da Libraría Aira das Letras co lema “Manuel Blanco Romasanta. O home lobo alaricano”.

Ademais o 1 de novembro pola mañá (11h.-13:30h.) abordaranse os “Aspectos xurídicos do caso Romasanta”, baixo a coordinación de Antonio Roma Valdés (Fiscal, Profesor asociado de Dereito Procesual e Dr. en Historia. Membro da Fundación Vicente
Risco), ademais Félix Castor Castro (avogado e especialista en Cultura Popular) fará unha “Aproximación victimolóxica
ao caso MBR” neste caso, María Dolores Fernández (profesora de Dereito Procesual da Universidade de Vigo) centrará a súa intervención en “A confesión como proba no caso Romasanta” e Consuelo Rey (avogada do Estado e membro da Real Academia Galega de Lexislación e Xurisprodencia) presentará a ponencia “A condea a Romasanta: unha análise cos principios xurídicos do século XXI”.

Xa pola tarde, coa coordinación de Antonio Blanco (prof. de Xeografía e Historia, secretario da Fundación Vicente Risco), trataranse os “Casos Romasanta en Europa” coa participación de Robero Bustillo e Francesca Bruschi. De seguido, proxectarase o filme “En compañía de lobos”

Texto: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close