DeportesGalerías de fotosÚltima hora

O CCA O Barco patrocina parte da equipación do CD Barco

A presentación das prendas que o equipo levará na tempada 2015/2016 tiña lugar no Campiño de Viloira

Chandal, polo, bermudas, sudadera, equipación para adestrar e ata bolsas de deporte. Son varias as prendas que o equipo sénior do Centro de Deportes Barco estreará esta tempada 2015/2016 por xentileza do Centro Comercial Aberto O Barco que, como vén sendo habitual, colabora tamén con actividades deportivas que se desenvolven na vila.

Esta campaña que o CD Barco vén de estrear na terceira división, a asociación barquense de comerciantes seguirá respaldando ao club de fútbol, “a novidade”, di o presidente do CCA Ángel Álvarez “é que ademais do valado publicitario situado no campo de Calabagueiros e a inserción do logotipo nos carnets de socios, a asociación patrocina a equipación de adestramento así como varias prendas de rúa e mochilas que levará o plantel ao longo de toda a tempada”.

A presentación dalgunhas das prendas facíase na tarde do 16 de setembro no Campiño de Viloira, intres antes de que o equipo comezara o adestramento baixo as ordes do míster, Javi Rey. No acto estiveron os xogadores, o presidente do club, Daniel Ramos e parte da directiva do Centro Comercial Aberto, entre eles o presidente e a secretaria, Cristina Arias.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close