DeportesÚltima hora

O CD Barco convida aos nenos de Valdeorras ao fútbol

O club barquense repartirá máis de mil entradas entre os colexios da comarca para o partido ante o líder de terceira división
Presentación da campaña na oficina do Centro de Deportes Barco en Calabagueiros. /Foto: Carlos G. Hervella.
Presentación da campaña na oficina do Centro de Deportes Barco en Calabagueiros. /Foto: Carlos G. Hervella.

O partido C.D. Barco-C.C.D. Cerceda que se celebrará en Calabagueiros o 6 de marzo será moi especial para o Centro de Deportes Barco. Non só porque o equipo local se enfronta ao líder de terceira división, senón porque ese día estarán convidados os máis pequenos de toda a comarca. Para iso, o club barquense repartirá entre os alumnos de primaria de todos os colexios da zona (O Barco, Sobradelo, Rubiá, Vilamartín, O Bolo, A Veiga, incluso Viana e tamén A Rúa se así o demandan) entre 1.000 e 1.200 entradas para asistir ao encontro. Ademais os comercios asociados ao Centro Comercial Aberto O Barco tamén repartirán entradas entre os pequenos.

A iniciativa, enmárcase dentro dunha campaña que o Centro de Deportes Barco puxo en marcha en colaboración co Concello do Barco e co CCA, e que era presentada na tarde do 18 de febreiro na sede do club de fútbol.

O presidente do CD Barco con dous membros da directiva do CCA O Barco. /Foto: Carlos G. Hervella.
O presidente do CD Barco con dous membros da directiva do CCA O Barco. /Foto: Carlos G. Hervella.

Na presentación, o presidente do club, Daniel Ramos explicou que a campaña levarase a cabo con diferentes accións. A inmediata é o convite dos máis cativos ao encontro, para tentar recuperar o interese dos pequenos polo fútbol real “non polo circo de fútbol que se está vendo ultimamente nos programas de televisión e demais”, dixo Nilo. Outra das accións implica diractamente ao Concello e fai referencia ao torneo de fútbol 7 que xa se está celebrando durante o verán, pero coa idea de dar un paso máis e facer un par deles antes, o primeiro seguramente en Semana Santa.

O concelleiro de Deportes, Aurentino Alonso. /Foto: Carlos G. Hervella.
O concelleiro de Deportes, Aurentino Alonso. /Foto: Carlos G. Hervella.

E xa de cara ao vindeiro curso escolar, o CD Barco pretende levar a cabo un proxecto que xa teñen en mente dende hai anos: facer unha liga comarcal das categorías inferiores “para que os nenos podan xogar tódalas fins de semana ou mediante torneos, xa se verá”. Para levar a cabo esta iniciativa, Nilo pediu a colaboración do CCA “non para que nos axuden a nós senón para promover e patrocinar equipos dende os diferentes comercios, igual que se facía antes”, asegurou, tendo o compromiso de apoio tanto por parte do Concello como da propia asociación que asegurou estar disposta “a colaborar no que podamos”, dixo a presidente Sandra Moldes.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close