CD BarcoDeportesFútbolÚltima hora

O CD Barco prepara o Campus de Fútbol para o vindeiro mes de xullo

Programáronse tres semanas (do 5 ao 9; do 12 ao 16 e do 19 ao 23) co protocolo Covid-19 e a primeira será gratuíta

Unha das primeiras edicións do Campus de fútbol do Barco. /Foto: Carlos G. Hervella.

 

O ano pasado, en pleno estado de alarma pola pandemia de Covid, apenas houbo actividades deportivas e os cativos do Barco de Valdeorras, non só quedaron sen as competicións senón tamén sen o esperado campus de tecnificación de fútbol do CD Barco. Por iso este ano dende o club vermello decidían programar un campus de fútbol adaptado ás circunstancias (sen excusións e máis estilo campamento, co protocolo Covid-19 e grupos reducidos) para o vindeiro mes de xullo, especialmente pensado para os pequenos de entre 4 e 16 anos.

Tal como adianta o presidente do CD Barco, Nilo Ramos, programaron tres semanas de campus no Campiño de Viloira (do 5 ao 9 de xullo; do 12 ao 216; e do 19 ao 23) en horario de mañá (de 9:45 a 13:30 horas) e a primeira será gratuíta independentemente de que formen ou non parte do club. “Queremos que todos os nenos que queiran participan poidan facelo. Digamos que é un compromiso do club cos pequenos da comarca”, di Nilo. As outras dúas semanas o prezo será de 50 euros cada unha.

 

Artigos relacionados

Back to top button