En portadaGalerías de fotosÚltima hora

O CD Barco presenta o seu plantel para a nova tempada

O equipo, que seguirá dirixindo Manuel Pérez, conta con oito novas fichaxes e iniciará a pretempada cun partido amistoso fóra da casa co Bembibre

O campo de fútbol de Calabagueiros acollía nunha calurosa tarde de 22 de xullo á presentación do plantel do CD Barco para a súa nova tempada 2019/2020 na terceira división. O equipo, que seguirá dirixindo o técnico Manuel Pérez, contará con sete novas fichaxes, tal e como explicaba o presidente do club, Nilo Ramos, que tamén matizaba que o plantel “aínda non está pechado”.

Trátase dos centrocampistas Íñigo Pisón, Beto Ernesto e Carlos Villar, do interior dereito Marcos Jimeno, do defensa Dani Mateos, do lateral dereito Antonio Segura e do porteiro Iván Oviedo, así como de Andrés Calvo. Ademais o club segue mantén a presenza duns oito xogadores locais.

 

“Neste acto queremos amosar o noso agradecemento aos xogadores que continúan con nós e tamén aos que se incorporan. Ogallá esta sexa unha tempada de triunfos, como foi a pasada, na que a verdade é que estivemos moi preto do play off. Non nos imos poñer ningunha meta, a idea e manternos e o principal é empezar de cero, xa que hai moita xente nova, polo tanto, temos que mover e compactar o equipo e ogallá consigamos o obxectivo”, sinalaba Nilo Ramos.

Xunto a el estaban o alcalde do Barco, Alfredo García, o concelleiro de Deportes, Aurentino Alonso, e o edil de Medio Rural, Jesús Jares, que foi moitos anos directivo do CD Barco. O rexedor barquense dáballe a benvida aos xogadores novos e tamén lle agradecía aos que continúan a súa permanencia no equipo. Destaca ademais o papel da afección do CD Barco, “que está co equipo e anímao dende o primeiro ao último partido, que está ilusionada e cohesionada co equipo”.

 

Finalmente, o adestrador do CD Barco, Manuel Pérez, agradecía á directiva do club e ao equipo “os medios que nos dan en nome do corpo técnico e dos xogadores. Non me cabe dúbida de que o compromiso é máximo. Imos tratar de esforzarnos e de dar a mellor imaxe posible que O Barco pode dar, iremos en busca do límite e trataremos de ser ambiciosos pero sen marcarnos eses obxectivos que se comentaban. Do noso traballo depende o resultado final, así que o noso agradecemento e compromiso”.

O CD Barco comezará tempada xogando un partido amistoso fóra da casa o vindeiro día 27 de xullo co Bembibre.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close