O CD Barco, suma e segue rumbo á zona alta

Tras un comezo de tempada máis ben frouxo o equipo está indo a máis
Foto: Carlos G. Hervella

Foto: Carlos G. Hervella

O equipo sénior do Centro de Deportes Barco é o último do oriente ourensán en completar a primeira volta da liga en Preferente. Farao xa no 2014, na xornada 19ª que enfrontará ao equipo adestrado por Javi Rey co C.D. Lalín.

Iso será o domingo día 5 de xaneiro no campo lucense, pero logo do punto sumado no seu enfrontamento co filial do Pontevedra CF, o Centro de Deportes Barco pechaba o ano 2013 no cuarto posto da clasificación. Unha boa posición que conseguían grazas a facer os deberes.

Unhas veces con mellor xogo que outras, hai que recoñecer que os barquenses foron de menos a máis e tras un comezo de tempada máis ben frouxo en canto a resultados, comezaba a puntuar, e punto a punto ían ascendendo posicións ata situarse na zona alta da clasificación.

Comezaba o mes gañando 0-1 ao Celtiga, e unha semana máis tarde vencía de novo, desa volta en casa ante o Ribadumia por 2 goles a 1. Nos dous últimos partidos do ano tamén sumou dous puntos, tralo empate a uns en Portonovo e a ceros no Barco ante Pontevedra B.

Texto: Mónica G. Bellver Foto: Carlos G. Hervella
(Máis información na edición en papel do Periódico O Sil).

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies