Este domingo 29 de maio o campo de fútbol Vicente Solarat Maceda acollerá unha importantísima cita. Ás 18 horas comezará o último partido da fase de ascenso a Primera Galicia no que o equipo sénior do Club Deportivo Rúa enfrontarase ao PB Pabellón CF. Será un partido único con prórroga e penaltis
Tralo encontro do pasado domingo ante o Taboadela que se decantaba a favor dos rueses na tanda de penalis, os rapaces do CD Rúa precisan máis que nunca do apoio da afección, ante un partido complicado e decisivo. Por iso, igual que fixeran a semana pasada, animan a asistir ao partido de amarelo en sinal de apoio entrando así no sorteo de varios agasallos: tres tarxetas agasallo para Fisioval e un estsuche de viños de Viña Somoza.
E mañá sábado 28 de maio, un día antes dese gran partido para os maiores, os infantís do CD Rúa xogarán a partido único a semifinal da XLI Copa Deputación ante o Athletic Valenzá.