Despois de dez xornadas sen gañar e cos ánimos un pouco baixos, o C.D. Trives daba unha alegría á afección conseguindo unha importante vitoria no campo do Agro.
Cun minuto de silencio (polo falecemento dun familiar dun dos xogadores) arrancaba o partido correspondente á xornada 23 en segunda autonómica. Dun lado do campo un C.D. Trives necesitado dos puntos en xogo para afastarse dos postos de descenso. Do outro, o Atl. Pontedeva que navega pola metade da clasificación.
O primeiro tanto chegaría da man do conxunto local, que pouco despois marcaba o segundo gol. Lonxe de rendirse os visitantes acurtaban distancias chegando ao descanso co 2-1 no marcador. Con todo, a sorte estaba desta volta do lado dos triveses que grazas ao terceiro gol de Moldes lograban sentenciar o encontro.
Co 3-1 final, o C.D. Trives sube na clásificación, situándose no posto 14 a dous da zona de perigo.
Fotos: Carlos G. Hervella.