O CEIP Bermúdez Couso de Trives, no programa Voluntariado de Lectura-A

Esta iniciativa ten como destinatario o alumnado de 5º e 6º cursos de ensino primario co obxectivo de estimular o voluntariado cultural relacionado coa biblioteca e coa lectura

A Consellería de Educación, Universidade e Formación Profesional vén de publicar a resolución cos centros seleccionados para participar no programa Voluntariado de lectura-A, entre os que está o CEIP Plurilingüe Manuel Bermúdez Couso (A Pobra de Trives). Esta iniciativa na que participará o centro ourensán está enmarcado no programa Bibliotecas Escolares Solidarias, que busca formar o alumnado nestas actitudes e no compromiso co seu entorno máis próximo e coa sociedade na que vive. A iniciativa desenvólvese en colaboración coa Dirección Xeral de Xuventude, Participación e Voluntariado da Consellería de Política Social.

A participación nesta iniciativa levará consigo a organización no centro dun obradoiro específico destinado ao alumnado voluntario. Esta actividade poderá estar relacionada coa narración oral e a lectura expresiva, sobre circuítos e libros, a elaboración de booktrailers, un laboratorio de radio, os xogos cooperativos e tradicionais ou a música e danza tradicionais.

Como actividade integrada nos programas de voluntariado da Dirección Xeral de Xuventude, Participación e Voluntariado, o alumnado directamente implicado e responsable das actividades de voluntariado de lectura e de atención á biblioteca escolar recibirá un diploma pola súa colaboración como acción de voluntariado cultural, así como material divulgativo e de apoio ao programa.

 O programa

Voluntariado de lectura-A ten como destinatario o alumnado de 5º e 6º cursos de ensino primario co obxectivo de estimular o voluntariado cultural relacionado coa biblioteca e a lectura. A acción divídese en tres modalidades. A primeira delas consiste na colaboración coa biblioteca escolar, na que o alumnado forma parte do equipo de colaboradores que xunto co profesorado, e baixo a súa supervisión, contribúen ao bo funcionamento deste espazo no seu centro.

Na segunda modalidade, Ler con… D (Lecturas compartidas dentro do centro), o alumnado participa no deseño e organización de actividades de acompañamento na lectura a outros compañeiros, a través de fórmulas como os apadriñamentos lectores, a titorización lectora, ou as lecturas compartidas, entre ou outras.

Por último na terceira modalidade, Ler con… F (Lecturas compartidas fóra do centro), o alumnado participa no deseño e organización de actividades de acompañamento na lectura a outros nenos e nenas, doutros centros educativos, incluídas as escolas infantís; lectura a anciáns nas residencias de maiores; lectura a enfermos nos hospitais, etc. Así mesmo, poden incluírse neste apartado actividades nas que o alumnado teña unha participación

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies