Publicidade
CulturaCulturaEducaciónGalerías de fotos

O CEIP de Trives podería ser obxecto dunha rehabibilitación integral

A conselleira de Educación, Universidade e Formación Profesional visitaba o centro

Ofrecer ao seu alumnado un ensino en igualdade de oportunidades que o de núcleos de poboación maiores é sen dúbida o obxectivo dos centros educativos do rural, realizando un esforzo digno de loanza. Así o aseguraba a conselleira de Educación, Universidade e Formación Profesional, Carmen Pomar durante a súa visita ao CEIP plurilingüe Manuel Bermúdez Couso, na Pobra de Trives, un centro moi implicado no desenvolvemento das iniciativas innovadoras que propón a Xunta de Galicia.

Neste sentido Pomar salientou que o centro trivés, plurilingüe desde o ano 2014, está integrado no Plan de Mellora de Bibliotecas Escolares (Plambe), ademais de incorporarse este curso ao programa Radio na Biblio e desenvolver iniciativas como a de Biblioteca Creativa, que apoia a cultura da experimentación e a investigación dos robots e da linguaxe da programación nestes espazos. Así mesmo, o CEIP Manuel Bermúdez Couso desenvolverá este curso dous contratos-programa, un na liña de Reforzo, Orientación e Apoio (PROA) e outro na de Mellora da convivencia e promoción da igualdade nos centros. Tamén participa no programa de libro dixital, E-Dixgal.

A conselleira tamén adiantou que o seu departamento está estudando a posibilidade de realizar, en función da dispoñibilidade orzamentaria, unha rehabilitación integral do centro que melloraría o conxunto das súas instalacións. Segundo adiantan dende a Educación, neste momento estase, a executar a cubrición da pista deportiva do centro, unha obra cun orzamento de 136.000 euros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close