O CEIP do Bolo celebra o “Día Internacional da Familia”

A comunidade educativa realizaba unha xornada de convivencia e participaba nunha carreira solidaria

A do 15 de maio era unha data especial no CEIP do Bolo. A súa comunidade educativa celebraba nesa xornada o “Día Internacional da Familia”, que foi proclamado pola Asamblea Xeral das Nacións Unidas o 20 de setembro de 1993.

“O obxectivo é aumentar o grao de concienciación con respecto aos temas relacionados coa familia e fomentar os vínculos familiares. A familia, polo tanto, é a unidade básica de toda sociedade e un lugar privilexiado para a educación. É ademais un lugar de crecemento, donde atopamos protección e seguridade”, explican dende a dirección deste colexio.

Ademais no marco desta celebración a comunidade educativa amosaba a súa solidariedade e reflexionaba sobre como mellorar a relación entre tódolos membros da mesma. “Este ano quixemos colaborar con Níxer poñendo a nosa pinga e organizando unha carreira solidaria. Esta unión de todos e a pequena aportación de cada un, axudará a máis de 10.000 nenos e nenas a ter auga, hixiene e saneamento. Porque cada gota conta e todos unidos podemos conseguilo!”, din dende o CEIP O Bolo

Así, facíase entrega dun agasallo ao comezar a carreira, uns dorsais e unhas pulseiras aportados por UNICEF. E ao remate da mesma entregábanse medallas e diplomas a todos os participantes.

Fotos: CEIP O Bolo

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies