O alumnado do CEIP do Bolo pasaba unha xornada moi especial o 21 de novembro. Mudaba as aulas do centro escolar polos prados e as instalacións da Granxa Escola A Capilla de Lentellais (O Bolo).
Ao longo da visita os nenos descubrían de forma lúdica e divertida as diferentes partes desta explotación agrogandeira, na que se crían galos de Mos e cordeiros da raza ovella galega, así como o seu funcionamento. Vían os galos e tamén as ovellas e os cordeiros, e mesmo se achegaban e interactuaban cos animais.
Tamén había tempo para botar un partidiño de ping pong. Ademais os cativos xantaban nestas mesmas instalacións como broche da visita.
Fotos cedidas.