O CEIP Julio Gurriarán do Barco despide o curso coa I Convivencia da ANPA Aturuxo

A animada actividade incluíu música, festa da escuma, inchábeis e merenda

Ao grande. Así despedían o curso 2018/2019 no CEIP Plurilingüe Julio Gurriarán do Barco de Valdeorras, da man da ANPA Aturuxo.

A Asociación de Nais e Pais foi a encargada de organizar a convivencia familiar que tiña lugar na tarde do mércores 19 de xuño. Unha animada xornada de diversión na que alumnos, profesores e familiares desfrutaron xuntos, entre risas, brincos e merenda. Con música, inchábeis de diferentes estilos, festa da escuma, pica pica e ata un posto de “perritos” e outro de flocos de millo, pasaron dúas intensas horas.

Agora chegan as vacacións e despois do verán, se todo vai segundo o previsto, o colexio contará xa co demandado pavillón xa que a ANPA recibía hai uns días unha carta da conselleira de Educación, Carmen Pomar, coa confirmación do inicio das obras.

Fotos: ANPA Aturuxo.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies