O CEIP Otero Pedrayo de Viloira festexa as Letras Galegas con bailes tradicionais e versos de María Victoria Moreno

Os alumnos e profesores deste colexio barquense celebraban un animado e orixinal festival nos Xardíns da Casa Grande

Desfilando coa danza mariñeira dos arcos, mentres soaban a gaita e as pandeiretas, chegaban ata os Xardíns da Casa Grande de Viloira (O Barco) os alumnos do CEIP Otero Pedrayo. Alí agardábanos expectantes multitude de persoas, boa parte delas pais e nais dos escolares. Tras os aplausos, dous alumnos, Uxía e Boni, subíanse ao escenario preparado para a ocasión para presentar un orixinal e fermoso festival, no que a música e os bailes tradicionais galegos ían intercalándose con retazos da vida e da obra de María Victoria Moreno, autora homenaxeada nas Letras Galegas deste ano.

“É a cuarta muller que leva este recoñecemento na historia da celebración, tras Rosalía de Castro, Francisca Herrera e María Mariño. María Victoria foi unha das pioneiras na narración en galego para o público infantil e xuvenil”, sinalaban estes dous alumnos antes de dar paso á seguinte actuación: a “Muiñeira de Lugo”, a cargo dos nenos de Educación Infantil.

Despois sairían os rapaces de 6º de Educación Primaria para cantar “Saia da Carolina”, os de 1º, 2º e 3º bailaban a “Muiñeira de Lugo e, finalmente, os de 4º e 5º de Primaria bailaban a “Muiñeira de Molete”. Cada unha destas actuacións ían acompañadas pola música en directo do gaiteiro Adrián Cotado, así como polo son das pandeiretas e bombos de escolares e profesoras. O acto concluía cunha lectura de poemas da autora homenaxeada por parte de rapaces de diferentes cursos.

Fotos: A.R.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies