CulturaCulturaEducaciónÚltima hora

O CEIP Plurilingüe Manuel Bermúdez Couso de Trives incorpórase ao programa educativo sobre robótica

O centro recibirá, por parte da Consellería de Educación, unha dotación de material relacionada coa robótica educativa para poder levar a cabo o proxecto

Fachada do CEIP Plurilingüe Manuel Bermúdez Couso, da Pobra de Trives.

 

Un total de 18 centros de ensino públicos da provincia de Ourense desenvolverán este curso o programa de innovación educativa “Introdución á robótica educativa en primaria”, que ten como obxectivo que “o alumnado poida iniciarse na experiencia de programación básica, robótica e construción”.

Aos 16 centros da provincia que xa impartían clases deste programa e que continúan (entre os que está o CEIP Ramón Otero Pedrayo de Viloira no Barco de Valdeorras), a Consellería de Educación, Universidade e Formación Profesional acaba de incorporar neste curso 2019/20 dous centros docentes públicos máis. Trátase do CEIP Plurilingüe Manuel Bermúdez Couso (A Pobra de Trives) e do CEIP Padre Crespo (Xunqueira de Ambía).

“Introdución á robótica educativa en primaria” enmárcase na estratexia Edudixital 2020 e vai dirixido ao alumnado dos cursos 4º, 5º ou 6º de educación primaria. Cada centro educativo, dentro da súa autonomía, pode integrar a robótica de diversas maneiras: mediante unha materia de libre configuración de centro no marco da normativa vixente, dentro das materias de forma transversal, a través de programas de innovación educativa desta consellería ou obradoiros que se desenvolvan fóra do horario lectivo.

Tal como adiantan dende a Consellería de Educación, cada centro docente de nova incorporación seleccionado para desenvolver o programa, nesta ocasión o de Trives e o de Xunqueira de Ambía, recibirá unha dotación de material relacionada coa robótica educativa para poder levar a cabo o proxecto, que estará formada por 6 robots de uso educativo, adecuados ás idades do alumnado, 6 kits de construción que permitan a realización dun mínimo de 5 proxectos diferentes, un manual de uso e unha guía didáctica.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close