Depois dun tempo sen programación, volve o cine ao Centro Cultural Avenida da Rúa. E faino con seis filmes de recente estrea. O primeiro co que se abrirá a tempada é Aquaman, con proxeccións o venres 18 de xaneiro, ás 22h; o sábado 19, ás 20 e ás 23h; o domingo 20, ás 20h; e o luns día 21, ás 22h. Para o público infantil, o sábado e o domingo ás 17 horas proxectarase El Grinch.
Na seguinte fin de semana (25-28 de xaneiro), tocaralle o turno á Bohemian Rhapsody (o venres ás 22 horas; o domingo ás 20 e ás 23h. e o luns ás 22 horas).
E xa para o mes de febreiro hai programados dous filmes. Do 1 ao 4 proxectarase Superlópez (o venres 1, ás 22h; o sábado 2, ás 17 e ás 20h; o domingo 3, ás 17 e ás 20h; e o luns 4, ás 22h.). E na fin de semana do 8 ao 11, poderá verse Glass (o venres 8, ás 22h; o sábado 9, ás 20 e ás 23h; o domingo 10, ás 20h; e o luns día 11, ás 22h.) Para o público infantil, o sábado e o domingo ás 17 horas proxectarase Ralph rompe Internet.
