O 31 de decembro de 2021, tras máis de 30 anos traballando no Centro de Saúde da Rúa, o seu conserxe, Alejandro Nogueiro Fernández, xubilábase.
Foron máis de tres décadas nas que este veciño da Rúa asistiu e deu servizo a todo o persoal do centro médico, moitos médicos, enfermeiras e psxs (persoal de servizos xerais). Tal como aseguran os seus compañeiros de traballo, era a alma do centro e tamén unha persoa moi detallista, e igual arranxaba unha villa, que cambiaba unha bombilla ou regalaba unha flor. “Tamén fixo moito de chófer, tanto de médicos coma de enfermeiras, sempre que alguén o precisaba”, din, recoñecendo que “todo o mundo coñece a Alejandro”.
Foron moitos anos de traballo e momentos compartidos, por iso, os seus xa ex compañeiros non quixeron perder a oportunidade de despedilo por todo o alto. Así, no mediodía deste venres 28 de xaneiro, médicos, enfermeiras e persoal administrativo do Centro de Saúde da Rúa, sorprendíano cun sinxelo pero emotivo acto no que non faltou un ramo de flores nin un suculento aperitivo.
Malia ser natural de Monforte de Lemos, Alejandro casou cunha ruesa e leva na vila valdeorresa practicamente toda a súa vida. A vinculada ao Centro de Saúde ocupou unha parte importante dela, agora “a lenda retirouse” tendo por diante un merecido descanso.
Fotos cedidas.
