No marco das diferentes liñas de colaboración que as entidades galegas do mundo queren poñer en marcha para potenciar e visibilizar o Xacobeo ao longo do presente ano e do 2022, o secretario xeral da Emigración, Antonio Rodríguez Miranda mantiña na xornada deste sábado 30 de xaneiro, unha reunión para coordinar co Xacobeo a implicación do Centro Galicia en Ponferrada nos actos do Ano Santo.
Na reunión estiveron presentes por videoconferencia, o director de administración do Xacobeo, Ildefonso de la Campa, así como o presidente da entidade leonesa, Flaminio González Fernández, e o responsable de acción cultural da mesma, Diego Bello Fernández.
Un dos obxectivos dos programas que está a organizar este centro é dar a coñecer o patrimonio do Bierzo por onde discorre o Camiño de Santiago así como a súa vinculación con Galicia.