ConcellosÚltima hora

O chef Domínguez Carrete, embaixador da LIV Festa do Pulpo

O carballiñés afincado en Madrid rexenta o restaurante Lúa, catalogado cunha Estrela Michelín
O cociñeiro carballiñés asistirá esta tarde á elaboración da Tapa de Pulpo máis grande do mundo.
O cociñeiro carballiñés recibiu a distinción na casa do concello, esta mañá, rodeado de familiares e compañeiros de traballo.

O Concello do Carballiño concedeu esta mañá a distinción de Embaixador da LIV Festa do Pulpo e do Carballiño ao chef local Manuel Domínguez Carrete, que rexenta o seu propio restaurante en Madrid, o Lúa, recoñecido cunha Estrela Michelín dende finais do ano pasado.

“É un exemplo para a mocidade carballiñesa como modelo de emprendemento e creatividade”, subliñou o alcalde do Carballiño, Francisco Fumega. El foi o encargado de entregarlle a placa coa distinción na casa consistorial. Estivo acompañado do concelleiro de Turismo, Xosé Manuel Dacal, o edil de Promoción Económica, Adolfo Nogueira, e a titular de Medio Ambiente, Érika Paz.

Tamén paricipou a nai do cociñeiro, Adela Rosa Carrete, e as xefas de cociña e sala do restaurante, Paula Villanueva e Mari Morales, ademais do propio Manuel Domínguez.

Neste contexto, o chef, que se encontra no Carballiño estes días, agradeceu a homenaxe do concello e a confianza da súa familia, con mención especial ao seu pai. Tamén valorou positivamente o labor do seu equipo, dirixido por Villanueva e Morales. Asistirá como convidado de honra á elaboración da Tapa de Pulpo máis grande do mundo, que terá lugar esta tarde na Praza Maior do municipio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close