SanidadeÚltima hora

O CHUO acolle unha xornada formativa de cirurxía para patoloxías do solo pélvico

 

Manuel García,Dionisio López Bellido, e Alberto Parajó.

O vindeiro martes, 25 de abril, o CHUO converterase nun punto de referencia dos especialista de coloproctoloxía a nivel nacional, coa celebración da sétima edición da Xornada de Cirurxía Coloproctolóxica en Directo, organizada por esta unidade do Servizo de Cirurxía, e que este ano adicarase a abordar as máis modernas técnicas cirúrxicas aplicables ás patoloxías do solo pélvico e, en especial, ao recto.

Segundo dixo o doutor Alberto Parajó, organizador desta xornada, o primeiro beneficiado deste evento “será o paciente”. Parajó contou que o esforzo que supón presentar estas técnicas é o proceso previo de aprendizaxe e incorporación de tecnoloxías, “supón unha necesidade de posta ao día permanente, pero é un estímulo máis”, asegurou.

Nesta sétima edición da xornada, realizaranse oito intervencións cirúrxicas nos dous quirófanos integrados do CHUO. É dicir, que a intervención será retransmitida en directo, imaxe e son, á sala de docencia do Complexo. Na sesión da tarde, afondarán en dúas mesas redondas, no marco teórico das distintas técnicas, indicacións e resultados, facendo especial fincapé na importancia da indicación cirúrxica, selección de pacientes e técnicas. Asemade, contarán coa participación, como relator nun relatorio, do xefe de servizo de Cirurxía do Hospital Álvaro Cunqueiro de Vigo, Enrique Casal.

Alberto Parajó salientou que dende o CHUO ofrecen un formato “bastante único e pouco estendido”, cunha sala dotada de grande tecnoloxía. E reiterou que teñen moitos doutores que veñen de diversos puntos de España, “e algúns son fieis a esta cita e veñen cada ano”, apuntou.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close