Publicidade
DeportesÚltima hora

O ciclista Saúl López (CC Maceda), líder elite da Copa Galicia de Ciclocross

O vencedor da carreira, celebrada na localidade ourensá de Maceda, era Iván Feijoo (1º sub 23) ex membro do club macedán

 

Os mellores especialistas autonómicos de ciclocross brillaron este domingo 5 de xaneiro no último test previo ao campionato de España, celebrado na localidade ourensá de Maceda. Os sub23 Iván Feijoo (Nesta) e Irene Trabazo (XSM) venceron nas carreiras raíñas da derradeira cita puntuable para a Copa Galicia. O outro gran triunfador foi o local Saúl López, que defendeu con éxito o maillot de líder elite na proba organizada polo seu club.

O ciclista monfortino do Maceda chegaba á duodécima xornada da Copa con 40 puntos de marxe respecto a Daniel López (Cambre), tras ter asaltado na véspera en Verín a primeira posición do ranking elite. Campión de Galicia no Porriño o pasado domingo, Saúl López selou o seu dobrete autonómico finalizando segundo no circuíto do Castelo, a medio minuto do seu ex compañeiro de equipo Iván Feijoo. O alaricano do Nesta impúxose cun rexistro de 50 minutos e 23 segundos.

 

Saúl López durante a carreira polo circuíto de Maceda.

 

“A carreira tomeina con calma ao principio, saíndo desde atrás e pouco a pouco remontando posicións. Cando puiden chegar á cabeza, puxen o meu ritmo para conseguir a vitoria final. Tiven moi boas sensacións nesta última fin de semana previa ao Campionato de España, espero poder reter a camisola de campión sub-23”, sinalou Iván Feijoo.

Carlos Canal, outro sub-23 formado no Maceda, cruzou a liña de meta na terceira posición lucindo as cores do conxunto profesional de estrada Burgos-BH. Daniel López rematou quinto e deste xeito certificou a súa segunda praza no ranking da Copa, mentres que o terceiro posto na xeral final elite correspondeulle a Luis Fernández Oliveira (Avanza).

E estes non foron os únicos podios do Maceda na proba. En féminas júnior vencía Noela Saa; en féminas sub 23 Andrea García era terceira e en júnior masculino Marco Nube era segundo. Sarela Conde, en cadetes, sufría unha avaría cando marchaba terceira.

Fotos cedidas

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close