Na mañá do 6 de maio A Rúa tinguíase de rosa. Malia a intensa calor e as comuñóns nese primeiro domingo do mes (Día da Nai), máis de 170 persoas participaban na III carreira e andaina contra o cancro, organizada polo Club Atletismo Rúa.
Co cantante de Arcos Miguel Arias como padriño, a proba deportiva estivo este ano especialmente centrada no cancro de mama e todo o recadado (1601,54 euros) foi doado á AECC en Valdeoras para axudar ás familias que loitan tan dura batalla e aportar o seu gran de area para a investigación.
Na tarde do 19 de outubro o Día Mundial Contra o Cancro de Mama os responsables do club rues Fernando Navarro e Isabel Seco entregaban á presidenta da asociación Gloria Pérez, o cheque polo importe total. Ao acto celebrado na sede da asociación, asistían outros membros da asociación do Barco e da Rúa.
Fotos: Mónica G. Bellver.