Publicidade
DeportesPiraguismoÚltima hora

O club de piragüismo Fluvial Allariz reparte mascarillas aos seus membros

A dotación forma parte dunha serie de medidas contra o Covid-19

Catro deportistas do club coas mascarillas oficiais. / Foto: cedida.

 

Todos os deportistas e adestradores do club de piragüismo Fluvial Allariz recibiron unha mascarilla sanitaria deseñada coas cores oficiais, realizadas por unha empresa galega baixo a Norma UNE0064-2 e con certificación de AITEX. O reparto enmárcase nunha serie de medidas contra o Covid-19 coas que o club pretende dar unha maior protección aos seus membros.

Ata agora, o Fluvial Allariz adquiriu unha hidro-lavadora, un pulverizador a presión, un xerador de ozono, unha pulidora para aplicar mellor os produtos de limpeza así como diversas sustancias hixiénico-sanitarias biodegradables aptas para maiores de 3 anos (algunhas delas doadas pola Federación Galega de Piragüismo). O club tamén está estudando a compra de dispositivos portátiles para hixienizar os automóbiles particulares que utilizan os deportistas para asistir a competicións e adestramentos.

A adquisición do material sanitario realízase con fondos que previamente estaban destinados a mercar material de competición. Non obstante, dende o Fluvial Allariz destacan que isto “supón un gran desembolso económico que a diretiva decidiu afrontar”. Tamén afirman que a compra estase a facer con proveedores galegos “xa que o club está comprometido de forma activa co comercio local e de proximidade”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close