Sen categorizar

O Club Montaña Trives promove unha ruta en BTT seguindo o Camiño de Santiago

Está prevista para o mes de xuño e farase nunha soa xornada, partindo de Sarria ata Compostela nun traxecto de 120 km

Dende o Club Montaña Trives prepárase unha nova actividade ligada a súa recén estreada sección de BTT. Realizarán unha ruta en bicicleta de montaña polo Camiño de Santiago, partindo dende Sarria (Lugo). Será a primeiros de xuño, pero a data aínda non está concretada, se ben barállanse dous días: o 5 ou o 8 de xuño. Isto decidirase “en función do día que teña máis anotados”, adiantan dende a organización.

O punto de partida da ruta será a estación de tren de Sarria ás 7:30h. da mañá. Ata alí haberá transporte dende Trives (con saída ás 6h. dende a praza do Reloxo). O traxecto en BTT será dun total de 120 km ata Compostela, cun desnivel de 2.400 m., e a hora estimada da chegada a Santiago será a das sete da tarde, logo voltarase a Trives. “Disporase de transporte en coches e os participantes poderán unirse á ruta no km que desexen”, aseguran dende a organización.

As persoas interesadas poderán realizar a súa inscrición ata o 31 de maio. O prezo da mesma é de 22 euros, incluíndo o transporte, avituallamento e xantar en Melide. As inscricións poderán realizarse no correo club.montana.trives@gmail.com.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close