EconomíaEconomíaÚltima hora

O Clúster da Pizarra de Galicia reforza a imaxe de durabilidade da lousa

O sector aposta por difundir socialmente as características e propiedades desta pedra natural

Imaxe da campaña do Clúster da Pizarra de Galicia.

 

O Clúster da Pizarra de Galicia aposta por incrementar a visibilidade da lousa galega mediante unha campaña de promoción que se desenvolve baixo o lema “Pizarra natural de Galicia: Para toda a vida”. Con esta iniciativa preténdese “destacar, entre outras propiedades o carácter natural, a durabilidade e a sostibilidade deste elemento construtivo. A iniciativa está dirixida a medios de comunicación offline e online xeralistas e a revistas especializadas neste sector; e tamén desenvolverá unha completa estratexia de presenza en redes sociais (RRSS) e de patrocinios de diferentes espazos”, segundo o Clúster.

A campaña, que xa está en marcha, inclúe cartelería gráfica, pezas para insercións publicitarias en medios impresos, cuñas publicitarias para medios radiofónicos, posts e entradas en RRSS, ademais de folletos dirixidos a feiras internacionais do sector. Para trasladar as mensaxes aos seus públicos obxectivo, a iniciativa emprega diferentes idiomas tales como castelán, galego e inglés.

Tradicionalmente, a lousa ten sido un material moi aprezado na construción pola súa gran versatilidade, impermeabilidade, propiedades illantes e durabilidade. E esa última característica incídese de xeito especial nesta campaña. Tamén se busca fomentar o uso desta pedra natural máis alá das cubertas de vivendas e doutros edificios, tendo en conta a gran versatilidade e posibilidades desta rocha ornamental galega.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close