OurenseÚltima hora

O CN Escualos homenaxea ao equipo máster de augas abertas, campión do XVI circuíto galego

O acto tiña lugar no marco da presentación dos equipos para esta tempada, celebrado en AQA Ourense

 

Na tarde do 19 de setembro, as instalacións do AQA Ourense acollían a presentación do Club Natación Escualos Campus da Auga para a tempada 2019-2020, á que asistía a vicerreitora do Campus da Auga, Ester de Blas Varela e o director de AQA Ourense, Ricardo Camba.

No acto, o club rendía unha merecida homenaxe ao equipo de augas abertas como campión do XVI circuíto galego na categoría máster masculino, ademais dunha charla técnica por parte dos adestradores e a presentación do novo cronómetro de piscina que CN Escualos instala en AQA Ourense para o uso de todos os usuarios.

Coa mente posta xa na primeira xornada da liga galega, o 20 de outubro, o club ourensán arranca un novo curso “aspirando a todo” e co obxectivo de “estar como o ano pasado nos postos altos das clasificacións”. Para iso seguen contando con Hugo Nogueira Pinto como adestrador e “un dos baluartes do equipo” e co apoio de AQA Ourense como centro acuático de referencia.

A gran novidade desta tempada é un novo equipo de augas abertas liderado por Jesús Carlos Quintas Barros, “experto nadador de travesías e adestrador”, puntualizan dende os Escualos, adiantando que tamén reforzan o seu compromiso coa competición en piscina, ampliando os horarios de adestramento.

Fotos: CN Escualos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close