O evento está previsto para este venres ás 19.30 horas na Casa da Cultura
A Casa da Cultura de Sober acollerá este venres unha proxección do documental “A Volta dos Nove”. Este acto está programado pola Asociación Cultural O Colado do Vento e celebrarase ás 19.30 horas.
Segundo indican dende o colectivo, “A Volta dos Nove” é un filme de Antonio Caeiro, impulsado polo Instituto de Estudos Miñoranos, que narra un dos episodios da represión franquista en Galicia. Conta a historia de nove mariñeiros que foron sacados do cárcere de Vigo e asasinados entre Baiona e Baredo non 1936.
O audiovisual foi creado para recuperar a memoria destes feitos, que este venres serán mostrados ao público nunha única sesión.