O colexio de Viloira (O Barco) é un dos seleccionados para participar no campamento de innovación educativa

O CEIP Ramón Otero Pedrayo é un dos dous centros ourensáns que participarán na segunda Semana STEM

Exterior do CEIP Ramón Otero Pedrayo, en Viloira. /Foto: A.R.

O CEIP Ramón Otero Pedrayo de Viloira, no Barco de Valdeorras, é un dos 23 centros de toda Galicia que participarán este ano na segunda Semana STEM, un campamento de innovación educativa na que os rapaces de 5º e 6º de Primaria e de 1º e 2º de ESO amplían os seus coñecementos científico-tecnolóxicos a través de estadías en réxime de internado.

Esta iniciativa, enmarcada dentro da Estratexia galega para a educación dixital (Edudixital 2020), arrancou de xeito pioneiro o curso pasado con 300 alumnos e 15 centros co obxectivo de fomentar o espírito científico e tecnolóxico entre o alumnado galego. Desta volta serán 450 os alumnos que participen.

Do total de centros seleccionados 11 corresponden á provincia da Coruña, 3 á de Lugo, 2 á de Ourense (Ramón Otero Pedrayo do  Barco e CEIP Plurilingüe Ben-Cho-Shey do Pereiro de Aguiar).

As estadías realízanse en períodos semanais dende domingo pola tarde ata o sábado seguinte; e a primeira delas arranca o próximo domingo día 14 con 50 rapaces de tres colexios. Proporcionarán ao alumnado galego un escenario propicio para desenvolver capacidades, coñecementos e técnicas, a través dunha invitación ao descubrimento, que aumenten o seu interese por saber, cada vez máis, sobre diversos campos da ciencia e as súas posibilidades de aplicación na tecnoloxía.

As actividades non só serán académicas, senón tamén de carácter lúdico-recreativo, que servirán de reforzo ao programa ordinario do currículo do alumnado nas aulas. Os contidos dos cursos inclúen un programa de actividades académicas, de obradoiros, de tempo libre e deportivas. En calquera caso, a finalidade do programa é “promover a convivencia entre o alumnado, o traballo en equipo, o aprender facendo mediante un enfoque “maker”, a creatividade e a motivación para mellorar a súas competencias STEM”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies