O colexio de Viloira (O Barco), entre os centros da provincia que participan no programa de robótica

O CEIP Ramón Otero Pedrayo é un dos 16 de Ourense que dispón de kits de robótica

Un total de 16 centros públicos de Educación Infantil e Primaria da provincia de Ourense, entre os que se atopa o CEIP Ramón Otero Pedrayo de Viloira (O Barco de Valdeorras), participan neste curso 2018/2019 no programa de innovación “Introdución á robótica educativa en primaria”, polo que o seu alumnado dispón de kits de robótica subministrados pola Consellería de Educación, Universidade e Formación Profesional.

Segundo a delegada da Xunta de Galicia en Ourense, que na mañá do 15 de xaneiro visitaba outro dos centros que tamén participan, este programa ten como obxectivo “facilitar que o alumnado adquira, a maiores de coñecementos curriculares, competencias clave para o seu pleno desenvolvemento persoal e social, a través dunha metodoloxía activa que contribúe ademais a fortalecer o avance dos escolares nas áreas de Ciencias, Tecnoloxía, Enxeñería e Matemáticas (STEM)”.

O programa enmárcase na Estratexia Galega de Educación Dixital, Edudixital 2020, a través da cal se busca lograr que todo o alumnado de ensino obrigatorio teña formación en robótica e programación no curso 2020/21 co fin de que, ao finalizar os estudos, acade un nivel adecuado de competencia dixital e científicotecnolóxica. Por participar nel cada centro recibe unha dotación consistente en 6 robots Mbot (modelo básico) e kit de construción compatible de Lego, ademais dos manuais de uso e guía didáctica.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies