“Comando Comadres”, a última produción da compañía Matrioshka Teatro, chegará o vindeiro venres 8 de abril ao Teatro Lauro Olmo do Barco. A función comezará ás 21h.
Esta peza, con dirección de Gena Baamonde, conta a través do humor como un grupo de “artivistas” organizadas en diferentes comandos pon en evidencia as múltiples manifestacións da violencia patriarcal e cuestionan a persistencia dos seus valores no pensamento hexemónico actual.
Esta obra, cunha duración de 60 minutos, está interpretada polas actrices Chelo do Rejo, Mª Ángeles Iglesias e Anabell Gago.
