EconomíaEconomíaEn portadaGalerías de fotosÚltima hora

O comercio local toma o Malecón do Barco no XI Mercaberto

Esta mostra de oportunidades contará os días 23 e 24 de agosto cunha decena de expositores

Ao longo de dous días, o 23 e 24 de agosto, o Paseo do Malecón do Barco convertirase nunha superficie comercial ao aire libre. Nesta emblemática zona da vila vén de abrir as súas portas o XI Mercaberto, unha mostra de oportunidades que organiza O Barco Centro Comercial Aberto (CCA) en colaboración co Concello.

Esta feira, que incluirá ademais diversas actividades lúdicas e vencelladas coa cultura do viño, acaba de abrir as súas portas ás 17:30h. deste venres 23 de agosto. O seu recinto feiral conta cunha decena de expositores que achegan aos visitantes multitude de ofertas e oportunidades en produtos como complementos, calzado, confección ou decoración, entre outros.

O acto inaugural contaba coa asistencia da concelleira de Comercio barquense, Irene Dacal, e da vicepresidenta do Barco CCA, Ángeles Rodríguez Pérez, quen agradecía a colaboración dos comerciantes “xa que sen eles non tería sentido esta mostra” e tamén o apoio do Concello do Barco, do seu persoal e tamén de entidades como a Policía Local e o GES Valdeorras. “O Mercaberto é un escaparate de grandes ofertas e descontos”, aseguraba.

Tamén lembraba que nesta edición  recinto feiral contará dun inchable para os máis pequenos e destacaba a programación complementaria do certame, promovidas polo CCA e pola Ruta do Viño de Valdeorras. Estes actos levan por título “Aromas de Valdeorras. Espíritos con vida propia” e inclúen un obradoiro infantil de sabores (gratuíto), dirixido a nenos de entre 5 e 14 anos. Será impartido pola sumiller Mercedes González o 24 de agosto entre as 11:30h. e as 13h. Terá un aforo limitado a 40 cativos e será precisa inscrición previa.

O mesmo sábado pola tarde, entre as 19:30h. e as 21h. realizarase unha “cata a cegas: proba sensorial” (para un máximo de 50 persoas), tamén dirixida pola sumiller Mercedes González. Será necesario anotarse con anterioridade e o seu custo será de 5 euros (teléfono 988 32 11 50).

Pola súa banda a concelleira de Comercio, Irene Dacal, poñía en valor o esforzo realizado pola organización e polos comerciantes para desenvolver o Mercaberto e animaba a veciños e visitantes a encher o recinto feiral durante esta fin de semana. Tamén animaba a outros comercios a seguir este exemplo.

Esta mostra de oportunidades pechará hoxe as súas portas ás 23h. Mañá reabrirá as 11h. e funcionará de xeito ininterrompido ata ás 23h. Ademais ás 21h. do sábado terá lugar un concerto dos Broders.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close