Polo de agora non se tomarán medidas, pero A Rúa figura entre os tres concellos cuxa evolución epidemiolóxica segue máis preto o Comité Clínico de expertos que segue a evolución do Covi-19 en Galicia. Así o adiantaba o conselleiro de Sanidade, Julio García, na rolda de prensa celebraba tras a reunión desta mañá do Subcomité clínico, asegurando que neles “farase unha observación especial, se ben polo de agora non se vai tomar ningunha decisión”. Os outros dous concellos son Chantada e Sanxenxo.
“Sempre falamos de que queremos adiantarnos, e, nese senso, imos intensificar a vixilancia neses tres municipios porque vemos un goteo constante de casos e iso fainos estar moi vixiantes”, indicaba tamén a directora xeral de Saúde Pública, Carmen Durán Parrondo.
Segundo os datos comunicados onte polo Concello da Rúa, neste municipio rexistrábanse un total de 22 casos activos.