ConcellosÚltima hora

O comité de emerxencia da área sanitaria do PAC de Trives toma as súas primeiras medidas

Unha delas é solicitar a "todas aquelas persoas que viñeron recentemente a Río, Trives e Manzaneda que garden corentena de 15 días e contacten de xeito urxente nos teléfonos facilitados polos seus concellos

Encabezamento do comunicado do comité.

 

Tras a súa creación na pasada semana, o Comité de Emerxencia da Área Sanitaria do Punto de Atención Continuada (PAC) de Trives (que cobre os municipios de Manzaneda, San Xoán de Río e Trives) mantiña neste 18 de marzo a súa primeira reunión conxunta coa asistencia dos alcaldes dos tres concellos, o responsable da área sanitaria e o médico do Centro de Saúde de Trives.

Na xuntanza tomábanse cinco acordos principais. Un deles é “dotar aos tres centros de saúde dunha máquina de ozono para esterilizar e reutilizar os EPI’s debido á posible longa duración da pandemia. Estas máquinas quedaron encargadas xa dende este mércores”.

Ademais decidíase  constituír un protocolo de comunicación do comité de emerxencia transversal formado polas autoridades políticas, a autoridade responsable da área sanitaria e un representante das Forzas e Corpos de Seguridade do Estado”.

En terceiro lugar, facíase pública unha solicitude dirixida a “todas aquelas persoas que viñeron recentemente aos nosos concellos” para que “garden corentena de 15 días e contacten de xeito urxente nos teléfonos facilitados polos seus concellos (Manzaneda: 988 33 30 43, Río 608 88 08 44, e Trives 670 47 15 20). Dende os respectivos concellos proporcionaremos os servizos precisos (compras de alimentos, medicamentos…).

Indicábase ademais que, “acordada a pasada semana a desinfección a levar a cabo nos tres concellos, ésta realízase segundo as pautas marcadas polo responsable sanitario”. Recoméndase tamén á veciñanza “empregar información só das fontes oficiais”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close