Con motivo do #25N, Día Internacional pola Eliminación da Violencia contra a Muller, o Concello da Rúa organiza diferentes actividades para os días 25, 26 e 27 de novembro.
Por un lado, haberá obradoiros de prevención nos colexios para fomentar a igualdade dende idades temperás. Serán impartidos por Ánxela González (ODAIKO Educación), o día 25 para alumnos de 1º da ESO no IES Cosme López e o 26 para os de 5º e 6º de Primaria no colexio San Pablo VI-Fátima.
Ademáis, o día 25 de novembro ás 12 horas, levarase a cabo unha concentración na praza do Concello como conmemoración deste día.
Por último, o mércores 27 haberá un encontro-debate sobre a abordaxe da violencia de xénero para o que xa está aberto o prazo de inscrición (ata o día 26), pois o aforo está limitado a 35 prazas. Será na Aula Multiusos do Centro Cultural Avenida a partir das sete da tarde, e estará coordinado por Elsa Rodríguez trala proxección dunha curtametraxe.
