Publicidade
ConcellosEconomíaEconomíaÚltima hora

O Concello da Rúa estará na Festa da Faba en Lourenzá (Lugo)

Do 5 ao7 de outubro, o municipio valdeorrés será o convidado nesta festa declarada de Interese Turístico de Galicia
O alcalde da Rúa, Luis Fernández Gudiña informando ao Pleno. /Foto: Mónica G. Bellver.

Entre o 5 e o 7 de outubro, A Rúa estará representada na XXVIII Festa da Faba en Lourenzá. Así o aseguraba o alcalde rues Luis Fernández Gudiña, no decurso do Pleno celebrado na tarde do 3 de setembro.

Trátase dunha festa gastronómica de Interese Turístico cun extenso programa de actividades no que cada ano convidan a un concello “e este ano seremos nós”, dixo Fernández Gudiña, adiantando que recibiron o convite o mes de xuño e pareceulles interesante. “É unha boa forma de dar a coñecer o noso municipio e as súas potencialidades a nivel cultural, turístico e mesmo gastronómico”.

Nese mesmo pleno, o alcalde daba conta doutras novas como a concesión por parte da Deputación dunha subvención de 20.000 euros para o proxector do Centro Cultural Avenida. “Non nos concederon a subvención da Xunta pero para non perder eses cartos afrontaremos o resto con fondos propios, intentando contar tamén con fondos privados, co fin de que en outono poidamos ter actividade no cine”, dixo Luis Fernández.

O rexedor tamén adiantou que finalmente Turismo de Galicia aportará o 65% do custe dun proxecto de sinalización e acceso do Camiño de Inverno e que as obras da cuberto do pavillón de deportes xa foron adxudicadas e comezarán en breve.

 

A corporación municipal da Rúa no Pleno celebrado na tarde do 3 de setembro./ Foto: Mónica G. Bellver.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close