Publicidade
A RúaConcellosÚltima hora

O Concello da Rúa lanza unha campaña para pomover o consumo de viño de Valdeorras

Trátase dun vídeo promocional que se fará público a partir do vindeiro luns 6 de xullo

 

Consumir viño valdeorrés fai economía local, ademais de supoñer un modo de facer pobo e comarca, de dar a coñecer e promocionar a terra. Así o destacan viticultores, adegueiros e enólogo no vídeo da campaña de promoción que o Concello da Rúa lanzará a partir do vindeiro 6 de xullo.

“Esta campaña enmárcase dentro de #ANosaRúa, unha serie de iniciativas que promove o Concello coa finalidade de potenciar e dar valor ao noso. Durante os pasados meses de confinamento, as adegas non puideron vender o seu viño, polo que agora contan con amplo stock”, destacan dende o Concello da Rúa.

Ademais esta administración local anima “tanto a veciños como aos que non o son, a consumir os nosos viños, apoiando así aos produtores e axudando a dar proxección a este produto de gran calidade que nos representa, esta é a finalidade desta campaña”.

No vídeo tamén se defende a importancia do viño como produto cultural, “o seu papel nas relacións sociais, a calidade do que se produce na nosa comarca ou a súa repercusión na economía local. Poderemos ver paisaxes aéreas do concello, tradición, historia, industria e algúns dos veciños que están detrás dun produto tan noso como é o viño”, aseguran dende o Concello da Rúa.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close