Destinada a promover e impulsar o consumo no comercio e hostalaría locais que, “tras unha difícil etapa marcada polos perxuízos que trouxo consigo a pandemia actual, continúan apostando pola Rúa, polos seus veciños, e por xerar riqueza e cercanía no municipio”, xorde a campaña “En Nadal merca na nosa Rúa” que o Concello porá en marcha do 15 de decembro de 2021 ao 15 de xaneiro de 2022.
Con esta campaña impulsada en época navideña, “intentaremos destacar entre todos a importancia de valorar o que temos preto e amosaremos como o diñeiro que se invirte en mercar e consumir local continuará circulando dentro do entorno próximo”, aseguran dende o Concello, explicando que cada establecemento adherido recibirá unha guía que levará anexado un billete de curso legal. “Esa guía comezará a circular entre as compras nos diferentes establecementos, sendo anotada, coa preceptiva protección de datos, cada unha das persoas que a empregaron. Esas persoas pasarán automaticamente a participar nun sorteo de vales de compra e o/a participante número 25 da guía, recibirá ademais no Concello un obsequio característico desta campaña de Nadal”.
O prazo de adhesión dos establecementos estará aberto ata o 14 de decembro de 2021. Para adherirse deberán presentar no Concello, por rexistro presencial ou electrónico, a solicitude de adhesión que atoparán no anexo das bases.
Os detalles da campaña, pódense consultar neste enlace: BASES-REGULADORAS-DA-CAMPAÑA-DE-APOIO-AO-COMERCIO-E-A-HOSTALARÍA-DA-RÚA