O Concello Barbadás inaugurou hoxe os parques infantís da Solaina e da Casa da Cultura tras levar a cabo diversas actuacións de mellora e acondicionamento de devanditas áreas de xogo. En concreto, no parque da Solaina retirouse a area e substituíse por caucho de diferentes cores, tonalidades de deseños. Unha das principais novidades deste parque é a instalación dunha tirolina de 10 metros de percorrido e tamén se reestruturou a distribución do parque e reforzáronse os elementos que xa estaban.
Dende o Concello resaltan que o obxectivo das melloras foi facer dun dos parques máis utilizados da Valenzá “un lugar máis habitable para a cidadanía, cómodo para os nenos e nenas e funcional coa utilización do entorno”.
En canto ao parque da Casa da Cultura creáronse dúas zonas diferenciadas: na parte de arriba para os nenos e nenas máis grandes, e outra na parte inferior. Nesta parte baixa instalaron elementos de xogo para os máis cativos como unha casiña multixogo e un tren. Asemade, tamén puxeron pavimento de caucho continuo e céspede artificial.