ConcellosÚltima hora

O Concello de Manzaneda solicita, vía requerimento, a retirada “de forma inmediata” da antiga liña de 220Kv

Este requirimento, adianta o alcalde de Manzaneda, será o “paso previo a denuncia a REE en caso de non obedecelo”
O alcalde de Manzaneda, Félix Domínguez, e o deputado de En Marea, Davide Rodríguez, baixo a liña de alta tensión que REE ten pendente retirar./ Foto cedida.

 

O Concello de Manzaneda vén de enviarlle á empresa Rede Eléctrica de España (REE) un requerimento para o “desmantelamento de forma inmediata da antiga liña de 220Kv que cruza o concello, tal e como se comprometeron no ano 2009”, din dende a Administración local

Neste documento, o alcalde de Manzaneda, Félix Domínguez, lembra o convenio asinado entre o Concello e os representantes de REE para “construír por terreos deste Concello, nun tramo aproximado de 9,780 Kms., a liña aérea de transporte de enerxía eléctrica, a 400 KV, dobre circuíto, que conectara as subestacións de Trives (Ourense) e Aparecida (Zamora)”. Neste acordo, segundo prosegue o texto, “estipulábase que esta nova liña de transporte substituiría á liña aérea existente de transporte de enerxía eléctrica, a 220 KV, simple circuíto, Trives-Aparecida, que sería desmontada unha vez que se puxera en servizo a liña eléctrica, a 400 KV, Trives-Aparecida”.

O rexedor de Manzaneda incide en que a liña de 400 KV “xa está en funcionamento dende hai tempo e a antiga aínda non ten sido desmontada, con todos os perxuízos, molestias e danos que isto conleva”. Por iso require “en nome do Concello de Manzaneda, a REE para que desmonte de forma inmediata a liña antiga de 220 kV, co fin de evitar os evidente perxuízos que a súa existencia actual conleva”.

Este requirimento, adiantan dende o Concello de Manzaneda, será o “paso previo a denuncia a REE en caso de non obedecer o requerimento”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close